Dear Lord

Tuesday, April 20, 2010

Lord,

Ako lang ba ang taong humihiling na sana bumaba ang presyo ng hipon sa palengke?
Ako lang po ba ang taong nagnanais na magchampion ang LA Clippers?
Ako lang ba ang nag-aasam na mareincarnate si George Estregan?

Lord,

Ako lang po ba ang Pilipinong nagnanais na maging citizen ng Mozambique?
Ako lang po ba ang nagdadasal para sa kapayapaan ng mga tahanang may araw araw na domestic violence?
Ako lang po ba ang humihiling na sana mawala na ang coins at maging papel lahat ng pera?

Panginoon,

Sana kunin nyo na si Erap
Kasi lagi syang para sa mahirap
Kaya tuloy nagkakaroon ng mahirap
Kasi laging nirerepresenta ni Erap

Pag wala ng mahirap, ano pa ang purpose ni Erap?
At ni Villar?

Lord,

Sana matupad lahat ng aking kahilingan, Amen.

Para Sa Babaeng Intsik Na Ang Pangalan Ay Michelle

Salamat sa iyo at mas naenjoy kong kumain
Ng tokwa with sauce at patong nilechon
Sa restaurant nyong nilalamon na ng urban decay

Salamat sa iyong pagabot ng squeezed orange juice
At ng check
Dahil dito’y nagdampi pa ang ating mga balat
Ang saya saya

Dahil sa boses mong matinis at sa lengwahe mong Tsino-Ingles
Nagkaroon tuloy ng karagdagang buhay
Ang birthday celebration ni Ama
Sana sa susunod na balik ay nandoon ka pa.

Si Kaibigang Nozi

Sa bahay, lagi ko syang kasama
Parati siyang nakapatong sa mesa
Mahilig sya sa plastic
Lalo na yung kulay blue at pink

Gusto nya lagi syang nababasa
At nilulunok, ayaw nya nang niluluwa
May agimat na taglay
Pinapa-steady ang aking buhay

Kaibigang Nozi
Pag wala ka ako’y marahil
Ay nasa tabi tabi
Namumulot ng lata
At humihingi ng pangkape
Salamat sa yo’t
Pinapaganda mo ang aking
mga panaginip
Dinadala mo ako
Sa mga lugar na di pa
Nararating ng aking isipan

Paulit-ulit lang
Lunes hanggang Linggo
Saloy ng isang baso
Ng tubig mula sa gripo.